विदेश
न्युयोर्क । संयुक्त राज्य अमेरिकामा एकैदिन ४०२ जना नोभेल कोरोना संक्रमितको मृत्यु भएको छ । अमेरिका पछिल्लो समय कोरोना इपिसेन्टर बनेको छ ।
हालसम्म अमेरिकामा एक लाखभन्दा बढीलाई कोरोना संक्रमण भएको छ । यसअघिको २४ घण्टाको अवधिमा २५३ कोरोना संक्रमितको मृत्यु भएको थियो । अमेरिकाका ५० वटै राज्यहरुमा कोरोना संक्रमण फैलिइसकेको छ ।
अमेरिकाको पनि न्युयोर्क बढी प्रभावित भएको छ । अमेरिकाको न्यूयोर्क सिटीमा कोरोना भाइरसबाट संक्रमित हुनेहरुको संख्या २६ हजार ६ सय ९७ पुगेको छ । न्यूयोर्क सिटीभित्रमात्र ५ हजार २५० जना अस्पतालमा भर्ना गरिएका छन् भने १ हजार १ सय ७५ जनालाई आईसीयूमा राखेर उपचार थालिएको छ । -सीएनएन
प्रकाशित मिति: शनिबार, चैत १५, २०७६ १२:३२
प्रतिक्रिया दिनुहोस्