मस्को । रुसी राष्ट्रपति भलाद्मिर पुटिनका प्रशासिन कर्मचारीलाई नोभेल कोरोना भाइरसको संक्रमण भएको राष्ट्रपति कार्यालय क्रेम्लिनले पुष्टि गरेको छ ।
राष्ट्रपतिका प्रेस सल्लाहकार डिमित्री पेस्कोभलाई उदृत गर्दै रुसी सञ्चारमाध्यमले ६७ वर्षीय राष्ट्रपति पुटिनले सामान्यरुपमा काम गरिरहेको उल्लेख गरेका छन् ।
रुसमा कोरोना संक्रमणमा शुक्रबार अहिलेसम्मकै उच्च वृद्धि भएको हो । पछिल्लो २४ घण्टामा रुसमा कोरोना संक्रमित १९६ जना थपिएको बताइएको छ ।
हालसम्म रुसमा एक हजार ३६ कोरोना संक्रमित देखिएका छन् भने तीन जनाको मृत्यु भएको छ ।
चीनसँग २६ सय माइल लामो सीमा जोडिएको रुसले चीनमा कोरोना प्रकोप देखिएदेखि नै चीनसँगको सिमानाका बन्द गरेको थियो । हाल चीनले सम्पूर्ण उडानहरुसमेत रद्द गरेको छ । - बीबीसी