वाशिङ्टन । अमेरिकी कानुन मन्त्रालयले कुनै व्यक्तिले जानाजान नोभेल कोरोना भाइरसको संक्रमण फैलाएमा आतंकवादको आरोपमा कारबाही गरिने बताएको छ । 

अमेरिकी उपमहान्यायाधीवक्ता जेफरी रोजेनले संघीय कानुन कार्यान्वयन एजेनसी र अमेरिकी न्यायाधीवक्तालई मंगलबार एक सूचना जारी गर्दै भने, "यसलाई 'जैविक एजेन्ट' रुपमा परिभाषित गरेर राष्ट्रको आतंकवदसम्बन्धी प्रावधानको रुपमा चित्रण गर्न सकिन्छ ।"

उनले थपे, "अमेरिकाविरुद्ध कोभिड-१९ लाई हतियार बनाएर धम्की दिने र धम्क्याउने प्रयास गरेको सहन सकिँदैन ।" 

अहिलेको नोभेल कोरोना भाइरसको संक्रमणबाट अमेरिकी नागरिकको अधिकारको रक्षा र सुरक्षित बनाउन कुनै कसर बाँकी नराखिनेसमेत उनले बताए ।  महामारीकाबेला गरिने कुनै पनि ठगी र अपराधिक कृयाकलापविरुद्ध पनि कठोर हुने उनले बताए । - सीएनएन