Skip Advt.

कोरोना नियन्त्रणमा आवश्यक औषधि र उपकरण ल्याउन एक लाख डलरसम्मको ड्राफ्ट सुविधा

कोरोना नियन्त्रणमा आवश्यक औषधि र उपकरण ल्याउन एक लाख डलरसम्मको ड्राफ्ट सुविधा

काठमाडौं । नेपाल राष्ट्र बैंकले कोरोना भाइरस नियन्त्रणका लागि आवश्यक पर्ने मेडिकल सामग्री आयात गर्दा दिने ड्राफ्ट/टीटीको दायरा बढाएको छ ।

बुधबार बसेको वित्तीय क्षेत्र उच्चस्तरीय समन्वय समितिको बैठकले गरेको निर्णयअनुसार राष्ट्र बैंक विदेशी विनिमय व्यवस्थापन विभागले कोरोना नियन्त्रणका लागि आवश्यक पर्ने मेडिकल सामग्री आयात गर्दा १ लाख अमेरिकी डलरसम्मको ड्राफ्ट/टीटीको माध्यमबाट भुक्तानी गर्न सक्ने व्यवस्था गरेको हो । 

राष्ट्र बैंकको परिपत्रअनुसार स्वास्थ्य सेवा विभागको सिफरिसमा गरिने कोभिड १९ सँग सम्बन्धित औषधि सामग्रीहरू तथा स्वास्थ्य उपकरणको आयातको हकमा एउटै विजकबाट एक लाख अमेरिकी डलरसम्मको ड्राफ्ट÷टीटी भुक्तानी गर्न सकिने उल्लेख छ । एक लाख डलरभन्दा बढीको सटही सुविधा आवाश्यक परे स्वास्थ्य सेवा विभागको सिफारिससहित राष्ट्र बैंकमा निवेदन दिनुपर्ने राष्ट्र बैंकले जनाएको छ । 

यस्तै व्यापारिक फर्मले स्वास्थ्य सेवा विभागले सिफरिस गरेको कोभिड १९ संक्रमणसँग सम्बन्धित सामग्री तथा स्वास्थ्ग्य उपकरणहरूको प्रतितपत्रमार्फत पैठारी गर्दा धरौटी आवाश्यक नपर्ने व्यवस्था राष्ट्र बैंकले गरेको छ । सामान्य अवस्थामा प्रतितपत्रको १० प्रतिशत धरौटी राख्नुपर्ने व्यवस्था छ । 

सामान्य अवस्थामा टीटीमार्फत २५ हजारभन्दा बढी डलर उपलब्ध गराउँदा लाभग्रीको व्यावसायिक विश्वसनीयता जानकारी लिनुपर्ने हुन्छ । 
 

प्रतिकृया दिनुहोस
ad