इस्लामाबाद । पाकिस्तानमा तीनजना पत्रकारलाई नोभेल कोरोना भाइरस अर्थात कोभिड-१९ को संक्रमण भएको छ ।
पाकिस्तानका दुई निजी सञ्चारमाध्यमका तीनजना पत्रकारलाई कोरोना संक्रमण भएको पाकिस्तान टुडेले जनाएको छ । उनीहरुको नाम भने गोप्य राखिएको जनाइएको छ ।
उनीहरु पाकिस्तानको लाहोरमा रहेर काम गर्थे ।
टीभी च्यानलका कार्यकारी निर्देशक मोहसिन नाकभीले भनेका छन्, "हामीले थप अरु पत्रकारहरुलाई अनुसन्धान गरिहरेका छौं । उनीहरुलाई पनि व्यक्तिगत रुपमा परीक्षण गरी क्वारेन्टाइनमा पठाइसकेका छौं । हामी यसबारेमा तयारीका साथ लागेका छौ ।"
यसका साथै उनले पत्रकारहरुको लागि आवश्यक स्वास्थ्य सुरक्षाका सामग्रीहरु अभाव रहेको बताएका छन् ।
यस्तै पाकिस्तान पत्रकार महासंघका अध्यक्ष सिद्धिकी अन्जरले भनेका छन्, "प्राय: अधिकांश संवाददाताहरु अस्पतालबाट बिना सेफ्टी किट नै समाचारहरु सम्प्रेषण गरिरहेका छन् । हामीले सरकारसँग उनीहरुको उपचारको जिम्मेवारी लिन आग्रह गरेका छौं ।"