नयाँदिल्ली । भारतीय प्रधानमन्त्री नरेन्द्र मोदीले मंगलबार २१ दिन लामो राष्ट्रिय लकडाउन घोषणा गरेसँगै राष्ट्रिय जनसंख्या पञ्जीकरण अध्यावधिक गर्ने र सन् २०२१ मा हुने पहिलो चरणको जनगणना स्थगित गरिएको छ ।
राष्ट्रिय जनसंख्या पञ्जीकरण र पहिलो चरणको जनगणना सन् २०२१ को सुरुवात अप्रिल १ देखि सेप्टेम्बर ३० सम्म गर्ने तय भएको थियो । तर, बुधबार गृह मन्त्रालयले विज्ञप्ति जारी गर्दै सन् २०२१ को जनगणना दुई चरणमा गर्ने - घरको सूचीकरण र परिवारको सूचीकरण अप्रिलदेखि सेप्टेम्बरसम्म र जनगणना फेब्रुअरी ९ देखि २८ सम्म गरिने जनाइएको छ ।
त्यसैगरी एनपीआरको अध्यावधिक पनि सन् २०२१ को जनगणनाको पहिलो चरणसँगै आसामबाहेकका सबै राज्य र संघीय क्षेत्रहरुमा गरिने बताइएको छ । अधिकारीहरुले जनगणना र राष्ट्रिय पञ्जीकरणका लागि गणकहरुले हरेकको घरमा पुग्नुपर्ने भएकाले अहिलेको अवस्थामा गर्न नसकिने बताएका थिए । -इकोनमिक टाइम्स
