वासिङ्टन । अमेरिकी राष्ट्रपति डोनाल्ड ट्रम्प र सिनेटबीच एक खर्ब ८० अर्ब अमेरिकी डलर बराबरको ठूलो आर्थिक राहत प्याकेजमा सहमति भएको छ । राहत प्याकेजमार्फत कोरोना भाइरसको संकटबाट प्रभावित भएका उद्योगहरुलाई जमानत स्वरुप रकम उपलब्ध गराइने भएको छ ।
रिपब्लिकन बहुमत भएको माथिल्लो सदनमा नेता मिच म्याकोनेलले यस राहत प्याकेजलाई 'युद्धको समयमा गरिने जति लगानी' का रुपमा व्याख्या गरेका छन् । उक्त राहत प्याकेजमा सम्झौता हुने अपेक्षासहित मंगलबार अमेरिकी बजार उकालो लागेको थियो । यसको प्रभाव बुधबार युरोपियन एसियन सेयरमा समेत देखिएको थियो ।
वाल स्ट्रिटमा डो जोन्समा मंगलबार ११ दशमलव ४ प्रतिशतले वृद्धि भएको थियो । अमेरिकामा आपतकाल घोषणापछि एकदिनमा भएको वृद्धिको यो ठूलो उपलब्धि हो ।
सम्झौताको पूर्ण पाठ भने अहिले सार्वजनिक गरिएको छैन । यद्पि, भाइरसका कारण विभिन्न बिलहरु तिर्न बाँकी रहेकाहरुलाई सहयोग उपलब्ध गराइने, बेरोजगारहरुलाई २५० बिलियन अमेरिकी डलर बराबरको सहायता गर्ने र साना व्यवसायीहरुलाई २३० बिलियन बराबरको आपतकालीन ऋण उपलब्ध गराइने अपेक्षा गरिएको छ ।
म्याकोनेलले औधोगिक क्षेत्रहरुको स्थायित्व गर्ने र अस्पता तथा अन्य स्वास्थ्य सेवा प्रदायकहरुलाई रकम उपलब्ध गराइने बताएका छन् । उनले उक्त विधेयक आजै संसदबाट पारित गर्नेसमेत बताइएको छ ।
डेमोक्रेटिक नेता चुक चुम्बरले 'अमेरिकी इतिहासकै सबभन्दा ठूलो राहत प्याकेज' भएको बताएका छन् । यो अस्पतालहरुका लागि 'मार्शल प्लान' भएको बताउँदै भने, "सहयोगको बाटो खुल्यो, ठूलो सहयोग र तत्काल गरिने सहयोग ।" - बीबीसी