सिओल । दक्षिण कोरियाले अमेरिकालाई कोरोना 'टेस्ट किट' सहयोग गर्ने भएको छ । दक्षिण कोरियाली राष्ट्रपति मुन जाइ-इनले अमेरिकाले टेस्ट किट सहयोग गर्न आग्रह गरेको बताएका छन् ।

कोभिड-१९ टेस्ट किट सप्लायर भएको ठाउँमा अवलोकन गर्दै राष्ट्रपति मुनले भने, "अमेरिकाले टेस्ट किट सहयोगका लागि आग्रह गरेको छ ।" 

उनले विश्वभर आवश्यक परेका ठाउँमा टेस्ट किट निर्यात गर्न तयार भएको बताए । उनले भने, "हिजो अमेरिकी राष्ट्रपति डोनाल्ड ट्रम्पले तत्काल टेस्ट किट उपलब्ध गराउने प्रबन्ध मिलाउन र क्‍वारेन्टाइनका सामग्री पठाइदिन आग्रह गर्नुभएको छ ।" 
राष्ट्रपति कार्यालयले दक्षिण कोरियाली नेता अमेरिकालाई आवश्यक सामग्री पठाउन तयार भएको प्रतिक्रिया दिएको विज्ञप्तमार्फत् जनाएको छ । 

अमेरिकामा हाल संक्रमणको दर निकै तीव्ररुपमा वृद्धि भइरकेको छ । मंगलबारमात्रै अमेरिकामा कोरोना नौ हजारभन्दा बढी कोरोना संक्रमित थपिएका छन् भने करिब ८०० को मृत्यु भएको छ । हाल अमेरिकामा कोरोना संक्रमितको संख्या ५५ हजारभन्दा बढी पुगेको छ । 

दक्षिण कोरियामा पनि फेब्रुअरी सुरुआतमा निकै तीव्र बढे पनि प्रविधि र उच्च पूर्वासावधानीका कारण संक्रमणको फैलावटलाई नियन्त्रणमा ल्याएको छ । हाल दक्षिण कोरियामा कोरोना संक्रमितको संख्या करिब १० हजार पुगेको छ भने १२६ जनाको मृत्यु भएको  छ। - बीबीसी