चितवन । चितवनमा लुकाइ राखेको मास्क र अवैध औषधि बरामद गरेको गरेको छ । जिल्ला प्रशासन कार्यालयले गोप्य सूचनाका आधारमा उक्त परिमाणको मास्क र अवैध औषधि बरामद गरेको हो ।
भरतपुरका दुई औषधि पसलमा आइतवार साँझ गरिएको अनुगमनका क्रममा ५ हजार थान मास्क, अवैध औषधिसहित एकजना पक्राउ परेको कार्यालयले जानकारी दिएको छ ।
भरतपुरको चौविसकोठीमा रहेको मिराकल फर्माले दुई कार्टुन मास्क लुकाएर राखेको अवस्थामा फेला परेको थियो । महँगोमा बेच्ने गरिएको सूचनाका आधारमा प्रशासनले छापा मार्दा उक्त मास्क फेला पारेको प्रहरीले जनाएको छ । फर्माका सञ्चालक रामकृष्ण कँडेल भने हालसम्म पक्राउ परेका छैनन् ।
यस्तै भरतपुरको एक पोलिक्लिनिकमा अवैध औषधि बिक्री वितरण गरेको भेटिएको छ । औषधि व्यवस्था विभागमा दर्ता नभएका औषधि विक्री गरेको खुलेको हो । सो पोलिक्लिनिकका सञ्चालक सत्कार ढकाललाई पक्राउ गरिएको प्रहरीले जनाएको छ ।