कञ्चनपुर । नेपाली कांग्रेसका नेता हेमराज ओझाले नोभेल कोरोना भाइरसको संक्रमणको जोखिम बढिरहेका बेला मास्क वितरण गरेका छन् ।
नेपाली कांग्रेसका कञ्चनपुर महासमिति सदस्यसमेत रहेका समाजसेवी हेमराज ओझाले कृष्णपुर नगरपालिकाका विभिन्न वडामा सोमबार दिउँसो मास्क वितरण गरेका हुन् । उनले मास्कसँगै कोरोना भाइरसबाट बच्ने सचेतनासम्बन्धी पर्चाहरुसमेत वितरण गरिएको थियो ।
उनले साबुन पानीले हात धुने तरिकाहरु सिकाउनुका साथै सार्वजनिक स्थलमा पानीको व्यवस्थापन गर्न बाल्टीसमेत उपलब्ध गराएका थिए ।
ओझाले विभिन्न संकटका समयमा स्थानीयलाई आवश्यकता अनुसारको सहयोग गर्दै आएका छन् । उनले यस कोरोना संक्रमणको अवस्थामा र अन्य विपतको अवस्थामा कसैलाई समस्या भएमा आफ्नो सम्पर्क नम्बर ९८५८४२१९९० मा सम्पर्क गर्नसमेत आग्रह गरेका छन् ।
कृष्णपुर नगरपालिकाका मेयरका उमेदवारसमेत रहेका ओझाले आफू नगरवासीका लागि जतिखेर पनि सहयोग गर्न तयार रहेको बताएका हुन् ।