काठमाडौं । नेपालमा कोरोनाको परीक्षण नै नभएको भन्दै आशंका गरिएका बेला शुक्रराज ट्रपिकल तथा सरुवा रोग अस्पतालका चिकित्सक डा. शेरबहादुर पुनले नेपालमा भइरहेको परीक्षणमा शंका गर्नुनपर्ने बताएका छन् ।
बाह्रखरीसँगको कुराकानीमा उनले यस्तो बताएका हुन् । “महामारी संसारमा कसैलाई थाहा दिएर आउँदै, त्यसको तयारी पनि गरिएको हुँदैन,” उनले भने, “अमेरिकाले पनि तयारी गरेको पाइएन । नेपालमा पनि भर्खर थाहा भएको हो । नेपालले कोरिया, हङकङ र चीनबाट केही सिक्नुपर्ने अवस्था छ । इटली किन चुकिरहेको छ ? भन्नेमा पनि सचेत हुनुपर्छ ।”
नेपालमा पनि विश्वका विकसित मुलुकमा जस्तैगरी परीक्षण भइरहेको बताए ।
“हाम्रो टेस्ट पीसीआर पद्धतीबाट आधारित छ । जुनसुकै देशमा पनि यसैबाट गरिन्छ । प्रत्यक्षरुपमा विश्व स्वास्थ्य संगठनको अनुगमनमा टेष्ट भइरहेको छ । यसमा प्रश्न उठाउनुपर्दैन । र, शंका पनि गर्नुपर्दैन,” उनले भने ।
डा. पुनसँग गरिएको भिडियो वार्ता