उत्तराखण्ड । भारतमा आइतबार जारी भएको 'जनता कर्फ्यु' मार्च ३१ सम्म जारी रहने भएको छ । उत्तरखण्डका मुख्यमन्त्री त्रिभेन्द्र सिंह रावतले आइतबार भने, "विश्वभरि महामारीका रुपमा फैलिएको कोरोना भारसको संक्रमण तीव्ररुपमा बढिरहेकाले मार्च ३१ सम्म जनता कर्फ्यु जारी रहनेछ ।
अत्यावश्यक उपभोग्य सामानहरु जस्तै खाना र औषधी भने राज्यभर उपलब्ध हुने बताइएको छ ।
"आज देशभर जनता कर्फ्यु लागु भएपछि हामीले यो जनता कर्फ्यु आजदेखि नै मार्च ३१ सम्म निरन्तरता दिने निर्णय गरेका हौं । यद्यपि अत्यावश्यक खाना र औषधी भने उपलब्ध हुनेछ," रावतले भने ।
यससँगै अन्तर-सहर र अन्तर-राज्य बस सेवा निलम्बन गरिनेछ । लकडाउन अवधिभर मानिसहरुलाई यात्रा नगर्न सुझाव दिइएको छ ।
मार्च २२ सम्म कोरोना भाइरसबाट ३७० संक्रमित भइसकेका छन् भने ६ जनाको मृत्यु भएको छ । - एएनआई