एजेन्सी । बार्सिलाना तथा अर्जेन्टिनाका स्टार स्ट्राइकर लियोनल मेसीले आफ्नो एक पुरै कोठालाई जर्सी संग्रहालय बनाएका छन् ।
उनले आफ्नो फुटबल जीवनमा प्राप्त गरेका जर्सीलाई संकलन गर्दै घरको एउटा कोठामा जर्सी संग्रहालय बनाएका हुन् । उनले संग्रहालयमा एन्जल डी मारिया, याया टोरे, फ्रान्सेस्को टोटी, सर्जियो अग्युरोजस्ता खेलाडीको जर्सी राखेका छन् ।
त्यस्तै मेसीका राष्ट्रिय टोली सहकर्मी तथा युभेन्ट्सका फरवार्ड पाउलो डिबालाले पनि आफ्नो जर्सी संग्रहालय सार्वजनिक गरेका छन् । तर, दुवै खेलाडीको जर्सी संग्रहालयमा पोर्चुगिज तथा युभेन्ट्सका स्टार फरवार्ड क्रिस्टियानो रोनाल्डोको टी–सर्ट भने देखिएको छैन ।
मेसी र रोनाल्डोबीच पछिल्लो एक दशकयता निकै प्रतिस्पर्धा हुँदै आएको छ । मेसीले कीर्तिमानी छैटौंपटक बालोन डी-ओर जित्दासमेत रोनाल्डो मेसीका प्रमुख प्रतिद्वन्द्वी थिए ।