एजेन्सी । बार्सिलोनाका स्टार खेलाडी लुइस स्वारेज पूर्ण रूपमा फिट भएका छन् । स्टार खेलाडी स्वरेज घाइते भएर लामो समयदेखि खेल बाहिर थिए । उनले बार्सिलोनाले खेलेका पछिल्ला खेलहरू गुमाएका छन् ।
उसो त बार्सिलोनाले आफ्ना स्टार खेलाडी स्वारेजविनै केही खेलहरू खेल्दा खराब नतिजा व्यहोर्नुपरेको थियो । जसमा रियल मड्रिडविरुद्धको एक महत्त्वपूर्ण खेल थियो । स्वारेजले रियलविरुद्धको अघिल्लो सिजनको एल क्लासिकोमा ह्याट्रिक गरेका थिए ।
स्वारेजले ला लिगाको खेलहरू सुरु भएसँगै पुनरागमन गर्ने बताइएको छ । “मेरो डाक्टरले म पूर्ण रूपमा फिट भएको बताएका छन् । ला लिगाको सुरु हुनेबित्तिकै मैले पुनरागमन गर्नेछु । म खेल्नका लागि पूर्ण रूपमा तयार छु,” स्वारेजले भनेका छन् ।
स्वारेजले यो सिजन मात्र बार्सिलोनाका लागि ला लिगामा ११ गोल गरेका छन् ।