प्योङयाङ । अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनलाई पत्र पठाउँदै 'महामारीविरुद्ध लड्न' सहयोग गर्ने इच्छा व्यक्त गरेको उत्तर कोरियाली सरकारी सञ्चारमाध्यम केसीएनएले आइतबार जनाएको छ ।
"अमेरिकी राष्ट्रपतिले हाम्रो अध्यक्ष (उत्तर कोरियाली नेता किम) सँगको सम्बन्धलाई राम्रो बनाउन चालेको कदम उपयुक्त र न्यायिक भएको अर्थमा हामीले लिएका छौं । दुई देशबीचको अप्ठ्यारो र चुनौती बढीरहेको बेला दुई देशबीचको सम्बन्धलाई बलियो बनाउन गरिएको प्रयास उच्चस्तरीय छ । पत्रमार्फत दुई देशको सम्बन्धलाई थप बलियो बनाउन आफ्नो योजनासमेत सार्वजनिक गरेका छन् । यससँगै अहिलेको महामहारीविरद्ध लड्न सहयोग गर्नेसमेत इच्छा व्यक्त गरेका छन् । आफ्ना जनतालाई कोरनाको संक्रमण हुनबाट जोगाउन हाम्रा अध्यक्षले गरिएको प्रयासकोसमेत उनले (ट्रम्पले) प्रशंसा गरेका छन्," वर्कस् पार्टी अफ कोरिया (ड्ब्लुपीके) का उपविभाग निर्देशक किम यो जोङलाई उदृत गर्दै केसीएनएले लेखेको छ ।
हालसम्म उत्तर कोरियाम कोरोना संक्रमणको असरबारेमा भने खुलाइएको छैन । अमेरिकामा कोरोनाबाट ३०२ जनाको मृत्यु भइसकेको छ भने विश्वभर मृत्यु हुनेको संख्या १३ हजारभन्दा बढी पुगेको छ । - सीएनएन