एजेन्सी । दिग्गज फुटबलर प्रदीप कुमार (पीके) बनर्जीको निधन भएको छ । भारतीय फुटबल खेलाडी पीकेको ८३ वर्षको उमेरमा निधन भएको हो ।
एसियन गेमका स्वर्ण विजेता स्ट्राइकर पीकेको निमोनियाँका कारण निधन भएको हो । उनलाई रोगले सताएपछि मार्च २ मा अस्पताल भर्ना गरिएको थियो ।
पीकेको उपचारको क्रममा शुक्रबार दिउँसो कोलकाताको एक अस्पतालमा निधन भएको जनाएको छ । उनले राष्ट्रिय टोलीका लागि ८४ खेल खेल्दै ६५ अन्तर्राष्ट्रिय गोल गरेका छन् ।
उनले १९९२ को जाकर्ता एसियन गेम्समा स्वर्ण जितेकका थिए । त्यस्तै १९६० को रोम ओलम्पिकमा भारतीय टोलीको नेतृत्व गरेका थिए । जहाँ उनले फ्रेन्च टोलीविरुद्ध गोल गर्दै खेल १–१ को बराबरीमा रोकेका थिए ।
त्यस्तै उनले १९५६ को मेलबर्न ओलम्पिक खेलेका थिए । पीकेलाई सन् २००४ मा फीफाले आफ्नो एक सयौं वर्ष पुगेको उपलक्षमा ‘अडर अफ मेरिट’बाट सम्मान गरेको थियो ।