विदेश
काठमाडौं । मध्यप्रदेशका मुख्यमन्त्री कमलनाथले पदबाट राजीनामा दिएका छन् । उनले शुक्रबार राज्यापाल लालजी टण्डनसमक्ष राजीनामा बुझाउने घोषणा गरेका छन् ।
मुख्यमन्त्री कमलनाथले आफ्नो निवासमा पत्रकार सम्मेलन गरेर राज्यपालसमक्ष राजीनामा बुझाउने घोषणा गरेका हुन् ।
उनले १५ मिनेट लामो सम्बोधनका क्रममा आफ्नो नेतृत्वको सरकारका उपलब्धीहरुको चर्चा गरेका थिए ।
घोषणासँगै झण्डै १५ महिना पुरानो कमलनाथ सरकार बिघटन हुने भएको छ ।
यसअघि पूर्व कांग्रेस नेता ज्योतिरादित्य माधवराव सिन्धियाले राजीनामा दिएका थिए । उनीसँगै २२ कांग्रेस सांसदहरुले पनि राजीनामा दिएका थिए ।
२२ कांग्रेस सांसदहरुले राजीनामा दिएपछि कमलनाथ सरकार अल्पमतमा परेको थियो ।
प्रकाशित मिति: शुक्रबार, चैत ७, २०७६ १५:४८
प्रतिक्रिया दिनुहोस्