एजेन्सी । विश्व फुटबलमा अहिले युवा स्टार खेलाडी केलियन एम्बाप्पेको सिजनको सुरूआत देखिनै उत्कृष्ट बनेका दुबै खेलाडीहरु अहिले चर्चाको विषयमा छन् । युरोपियन फुटबल क्लबहरु दुबै खेलाडीलाई अनुबन्धन गर्ने योजनामा छन् ।
एम्बाप्पेले हात फ्रान्सेली क्लब पेरिस सेन्ट जर्मेन (पीएसजी) मा सफल फुटबल जीवन विताई रहेका छन् । हालान्ड भने भर्खरै मात्र जर्मन क्लब बोरूसिया डर्टमण्डमा आएका हुन् । तुलनात्मक रुपमा पछिल्लो समय हालान्ड उत्कृष्ट प्रदर्शन गरिरहेका छन् ।
हालान्ड र एम्बाप्पेलाई विश्व फुटबलमा पछिल्लो समय स्थापित हुन सक्ने खेलाडीको रुपमा हेरिएको छ । दुबै खेलाडीले स्टार खेलाडी क्रिस्टियानो रोनाल्डो र लियोनल मेस्सीको युगपछि उनीहरु उत्कृष्ट हुने अपेक्षा गरिएको छ ।
एम्बाप्पे
फ्रान्सेली विश्वकप विजेता एम्बाप्पे यो सिजन उत्कृष्ट प्रदर्शन गरिरहेका छन् । पीएसजीका लागि उनी हाल महत्वपूर्ण खेलाडीको रुपमा रहेका छन् । एम्बाप्पेले लिग वानमा २० खेल खेल्दै यो सिजन १८ गोल गरेका छन् भने ५ असिस्ट गरेका छन् ।
च्याम्पियन्स लिगमा ७ खेल खेलेका उनले ५ गोल गरेका छन् । त्यस्तै फ्रेन्च कपमा भने २ खेल खेलेर ४ गोल गरेका छन् । त्यस्तै कोपा डी ला लिगमा तीन खेल खेल्दै २ गोल गरेका छन् ।
हालान्ड
यो सिजन हालान्डले एम्बाप्पे भन्दा कम खेल खेलेका छन् । हालान्डले एम्बाप्पे भन्दा कम खेल खेलेपनि गोलको तुलनामा राम्रो गोल गरेका छन् । उनले च्याम्पियन्स लिगमा १० गोल गरेका छन् । उनले साल्जबर्गबाट ८ गोल गरेका हुन् भने डर्टमण्डबाट २ गोल गरेका हुन् ।
हालान्डले बुन्डेस लिगामा ८ खेल खेल्दै ९ गोल गरेका छन् । भने एक असिस्ट पनि गरेका छन् । भर्खरै मात्र डर्टमण्ड आएका उनले उत्कृष्ट प्रदर्शन गरि रहेका छन् । हालान्डले डीएफ ए कपमा १ खेल खेलेर एक गोल गरेका छन् ।