काठमाडौं । नोभेल कोरोना भाइरसका कारण विश्‍वभर मृत्यु हुनेको संख्या कम्तीमा १० हजार पुगेको छ । 

जोन हप्किन्स विश्वविद्यालयका अनुसार विश्वभर दुई लाख ४४ हजार ५००  संक्रमित भएको बताइएको छ । 

चीनको वुहानबाट सन् २०१९ मा सुरु भएको नोभेल कोरोना भाइरस हाल विश्वभरका करिब १८० मुलुकमा फैलिसकेको छ । 

हाल विश्वभरमा इटाली सबैभन्दा बढी प्रभावित भएको छ । इटालीमा तीन हजार ४०५ जनाको मृत्यु भइसकेको इटालियन नागरिक सुरक्षा नियोगले जनाएको छ । यो संख्या चीनमा भन्दा १५६ जना बढी हो । 

चीनमा हालसम्म तीन हजार २४९ को मृत्यु भएको छ ।

अमेरिकाको क्यालिफोर्नियामा रहेका चार करोड मानिसहरुलाई घरबाट बाहिर ननिस्किन आग्रह गरिएको छ । 

त्यसैगरी दक्षिण अमेरिकी मुलुक अर्जेन्टिनामा लकडाउन गरिएको छ । बीबीसी