कायरो । कोरोना भाइरसको त्रासका बीच कैदीहरुलाई रिहा गर्न माग गर्ने अभियानकर्तालाई इजिप्टमा पक्राउ गरिएको छ ।
इजिप्ट प्रहरीले गलत सूचना फैलाएको र मुलुकको आन्दोलन प्रतिबन्धको नियम उल्लंघन गरेको आरोपमा चारजना महिलाहरुलाई बुधबार नियन्त्रणमा लिइएको हो । उनीहरुले बुधबार क्याबिनेट भवनबाहिर जम्मा भएर कैदीहरुको रिहाको माग गरेका थिए ।
पक्राउ पर्नेमा मोना सिइफ, प्रोफेसर लाइला सउफ, उपन्यासकार अदाफ सउफ र प्रोफेसर रबाब अल-महदी रहेका छन् ।
विश्व स्वास्थ्य संकट उत्पन्न भइरहेका बेला इजिप्ट सरकार विरोधी आवाजहरुलाई दबाउन विभिन्न प्रयासहरु गरेको छ । जसअन्तर्गत कोरोना भाइरसको संक्रमणको त्रास बढ्ने जेलहरुबाट कैदीको रिहाइ गर्ने अभियानकर्ताहरुलाई प्रहरीले पक्राउ गरेको हो ।
मोना सिइफले उनको फोन प्रहरीले जफत गर्नुअघि फेसबुक लाइभमार्फत भनेकी छन्, "हामी जेलमा कोरोना भाइरसको संक्रमण नियन्त्रणका लागि गम्भीर कदम चाल्न माग गर्दै क्याबिनेट भवन बाहिर उभिएका थियौं । राम्रो समय हुँदा पनि इजिप्टका जेलहरुमा विभिन्न रोगको संक्रमण हुने गरेको छ । अहिले उक्त जोखिम बढ्ने र संक्रमण फैलिने सम्भावना बढेको छ ।"
पक्राउ परेकाहरुलाई आफन्तसँग पनि भेट गर्न दिइएको छैन । - अलजजिरा