भारतमा निर्भया सामूहिक बलात्कार काण्डका चारैजना दोषीलाई आज बिहानै फाँसी दिइएको छ ।

बलात्कारमा संलग्न अक्षयकुमार सिंह, पवन गुप्ता, विनय शर्मा र मुकेश सिंहलाई दिल्लीस्थित तिहाड जेलमा आज बिहान साढे ५ बजे  फाँसी दिइएको बीबीसीले जनाएको छ ।

तिहाड जेलका निर्देशक सन्दीप गोयललेका अनुसार साढे ५ बजे चारैजनालाई फाँसी दिइएको हो ।

चारैजनालाई एकैपटक फाँसी दिइएको जनाइएको छ ।

फाँसी दिइएपछि निर्भयाका बुबाले देशमा महिलाका मुद्दामा छिटो फैसला हुने कानुन आवश्यक परेको बताएका थिए ।

सन् २०१२ मा निर्भयालाई बसभित्र सामूहिक बलात्कार गरिएको थियो ।

निर्भयाको उपचारका क्रममा ज्यान गएको थियो । भारतमा निर्भयाको ज्यान गएपछि अमानवीय घटनाभन्दै चर्को विरोध भएको थियो ।