विदेश
काठमाडौं । इस्लामी आतंककारी समूहविरुद्ध कारबाही गर्न अनिच्छा देखाएको भन्दै अमेरिकाले पाकिस्तानलाई दिने सैनिक सहयोगमध्ये ३० करोड अमेरिकी डलर नदिने भएको छ ।
रक्षा मन्त्री आस कार्टरले तालिबान तथा हक्कानी समूहमाथि पाकिस्तानले कारबाही गरेको प्रतिवेदन संसद्लाई दिन स्वीकार नगरेपछि अमेरिकी रक्षा मन्त्रालय (पेन्टागन)ले यो सहयोग दिन अस्वीकार गरेको दी टाइम्स अफ इन्डियाले बिहीवार जनाएको छ ।
केही वर्ष यता अमेरिका र पाकिस्तानको सम्बन्ध चिसिँदै गएको छ । पाकिस्तानले इस्लामी कट्टरपन्थीलाई तह लगाउन आवशयक सहयोग नगरेको आरोप अमेरिकाले लगाउँदै आएको छ ।
प्रकाशित मिति: बिहीबार, साउन २०, २०७३ १४:४०
प्रतिक्रिया दिनुहोस्