विराटनगर । नेपाल पत्रकार महासंघ प्रदेश १ समिति र मोरङ शाखाको संयुक्त प्रयासमा खोलिएको ‘पत्रकार कमल पौडेल उपचार कोष’ मा रकम जम्मा हुन थालेको छ ।

पत्रकार महासंघ प्रदेश समितिले २५ हजार रुपैयाँ खातामा जम्मा गरेको छ । त्यस्तै नेपाल पत्रकार महासंघ मोरङका पूर्वअध्यक्ष शम्भु भण्डारीले २ हजार ५ सय, बेलबारीकी कन्चन कुलुङ्गले ५ हजार, विराटनगरका कृष्ण भण्डारीले ५ हजार १ सय र मणिराम दहालले २ हजार रुपैयाँ जम्मा गरेका छन् ।

झण्डै तीन दशकदेखि पत्रकारारिमा संलग्न पौडेल ब्लड क्यान्सरबाट पीडित भई काठमाण्डौंमा उपचार गरिरहेका छन् । पत्रकार महासंघ प्रदेश समितिका अध्यक्ष विक्रम लुइँटेलले संघसंस्था र पत्रकार सदस्यहरूलाई स्वेच्छिक रूपमा सहयोग गर्न आव्हान गरेका छन् । 

विराटनगरस्थित ट्राफिक चौकमा रहेको प्राइम बैंकको शाखा ०३४०१७२१ सिए नम्बरको खाता खोलेर साहायता रकमका लागि आह्वान गरिएको अध्यक्ष लुइँटेलले बताए ।