काठमाडौं । लिबर्टी इनर्जी कम्पनीले प्रारम्भिक सार्वजनिक निष्काशन (आईपीओ) जारी गर्ने अनुमति पाएको छ । नेपाल धितोपत्र बोर्डले कम्पनीलाई ३७ करोड ५० लाख रुपैयाँ बराबरको ३७ लाख ५० हजार कित्ता आईपीओ निष्काशनको अनुमति दिएको हो ।
लिबर्टीले लमजुङको दोर्दी खोलामा २५ मेगावाटको माथिल्लो दोर्दी ‘ए’ जलविद्युत आयोजना निर्माण गरिरहेको छ ।
सेबोनको अनुमति अनुसार कम्पनीले आयोजना प्रभावित बासिक्दाका लागि १५ लाख र सर्वसाधारणका लागि २२ लाख ५० हजार कित्ता प्राथमिक सेयर जारी गर्न पाउनेछ । आईपीओ निष्काशन तथा बिक्री प्रबन्धकमा एनआईबीएल एस क्यापिटल रहेको छ ।
दोर्दी गाउँपालिकामा निर्माणाधीन अपर दोर्दी ‘ए’ जलविद्युत् आयोजनाको निर्माण कार्य अन्तिम चरणममा पुगेको छ । प्राकृतिक विपत्तिले अवरुद्ध भएको निर्माण कार्यले फेरि लय समात्न थालेपछि आयोजना लक्षित समय चैत मसान्तमै सम्पन्न हुने देखिएको हो ।
अयोजनाको कुल लागत ४ अर्ब ६३ करोड रहेको छ । जसअनुसार प्रतिमेगावाट लागत साढे १८ करोड रुपैयाँ छ ।
यो प्राथमिक निष्काशन लिबर्टीको चुक्तापुँजीको २५ प्रतिशत हो ।
दोर्दी ‘ए’ जलविद्युत् आयोजनाबाट वार्षिक १३ करोड ६७ लाख ८४ हजार युनिट बिजुली उत्पादन गर्ने छ ।
यो पनिः
चैत मसान्तमै बिजुली बाल्ने ‘अपर दोर्दी ए’ को तयारी