काठमाडौं । बैंक पनि साथी पनि भन्ने नारासहित सम्पूर्ण बैंकिङ सेवा प्रदान गर्दै आएको एनआईसी एशिया बैंकले ब्याजको साथै २१ लाख रुपैयाँसम्मको बिमा सुविधासहितको न्यू सुपर चमत्कारिक मुद्धती निक्षेप योजना सञ्चालन गरिरहेको छ । बैंकले मुद्धती निक्षेप खाता खोलेकै आधारमा २१ लाख तीन बिमा सुविधा प्राप्त गर्न सक्नेछन् ।
यो बिमा सुविधाअन्तर्गत खातावालाको दुर्घटनाबाट मृत्यु भएमा वा पूर्ण रूपमा अशक्त भएमा १० लाख, १८ घातक रोगहरूका लागि १० लाख र १ लाखसम्मको औषधि उपचार बिमा सुविधा उपलब्ध रहेको बैंकले जनाएको छ ।
यस्तै औषधि उपचार बिमाअन्तर्गत बैंकले आफ्ना ग्राहकलाई अझ विशेष सुविधा प्रदान गर्न बहिरंग (ओपीडी) उपचारमा २० हजारसम्म र अस्पताल भर्नाबापत् ८० हजारसम्मको बिमा सुविधा प्रदान गर्नेछ । उक्त ओपीडी बिमा सेवाले ग्राहकलाई अस्पतालमा भएका सामान्य खर्च जस्तै डाक्टरको शुल्क, ल्याब टेस्ट, औषधिलगायत खर्चहरू बापत २० हजार सम्मको भरपाई गर्ने बैंकले जनाएको छ ।
मुद्धती खाता खोलेकै भरमा पाइने यस्तो सुविधा देशकै सर्वोत्कृष्ट योजना रहेको दाबी बैंकको छ । बैंकले ल्याएको विभिन्न निक्षेप योजनामा हालसम्म १ सय २ ग्राहकले यो सुविधाबाट ६० लाख भन्दा बढीको बिमा दाबी प्राप्त गरिसकेको बैंकले जनाएको छ ।
ग्राहकले २१ लाखसम्मको बिमा आफैंले गर्न परेमा १४ हजार बिमा शुल्क बुझाउनुपर्ने भन्दै बैंकको न्यु सुपर चमत्कारिक योजनामा बैंक स्वयंले उक्त बिमा सुविधा बिमा शुल्क बुझाउने गरेको बैंकले जनाएको छ । एभरेष्ट इन्स्योरेन्ससँग सम्झौता गरेर बिमाशुल्क बैंकले बुझाउने गरेकोले ग्राहकलाई बैंकमा खाता खोल्दा करिब १४ हजारको फाइदा हुने दाबी बैंकको छ ।