एजेन्सी । चिनियाँ फिल्म निर्देशक छाङ काइ, उनकी बहिनी, आमा र बुवागरी पत्नीबाहेक परिवारका सबैको कोरोना भाइरसका कारण मृत्यु भएको छ । कारोनाको हाइ–प्रोफाइल मृत्युको यो सबैभन्दा पछिल्लो घटना हो । उनीहरु भाइरसको एपिसेन्टर वुहान शहरमा घरभित्रै क्वारेन्टाइन्ड अवस्थामा बसिरहेका थिए ।
५५ वर्षीय काइको १४ फेब्रुअरीका दिन मृत्यु भएको चिनियाँ म्यागजिन केइसिनले रिपोर्ट गरेको छ । उनका आमाबुवाको भने दुई हप्ता अगाडि मृत्यु भएको थियो । त्यस्तै बहिनीको चाहिँ काइको मृत्युको केही घण्टा पछि ज्यान गएको बताइएको छ । हाल उनकी श्रमती पनि गम्भीर अवस्थामा छिन् । उनका एक मात्र छोरा भने लन्डनमा रहेको बताइएको छ ।
वुहान र आसपासका क्षेत्रमा अन्य ठाउँ भन्दा मृत्युको दर बढी रहेको पाइएको छ । त्यहाँका धेरै बिरामीहरुले अस्पतालमा बेड पाउन कठिन भएको गुनासो गर्दै आइरहेका छन् । सरकारले नयाँ भवनहरु निर्माण गरेतापनि बिरामीको सङ्ख्या क्षमता भन्दा बढी पुगेकाले पनि यस्तो भएको हो । कतिपय बिरामीहरु भने इन्टेस्भि केयरमा रहँदारहँदै पनि मृत्यु भएको छ जसमा पहिलोपटक कोरोनाबारे खबर गर्ने डाक्टर पनि पर्दछन् । त्यस्तै एक वातावरण कार्यकर्ता र उनकी पत्नीको पनि कोरोनाका कारण मृत्यु भएको अनुमान गरिएको छ तर उनीहरुको स्वास्थ्य परीक्षण नगरिएको हुँदा रोग पुष्टि हुन नसकेको बताइएको छ । मंगलबार नै वुहानको अस्पतालकै निर्देशकको मृत्युको खबर पनि बाहिर आएको थियो ।
विश्व स्वास्थ्य संगठनले कोरोनाका पाँच मध्ये चारजना बिरामीमा सामान्य लक्षण मात्र देखा पर्ने बताएतापनि २० प्रतिशतमा भने गम्भीर लक्षण देखिने गरेको पाइएको छ । यसमा साधारण लक्षण भएकाहरुलाई सरकारले पहिले घरैमा क्वारेन्टाइन्ड भएर बस्नु भनेर दिएको सुझावका कारण पनि पूरै पििरवारमा संक्रमण फैलिरहेको सम्बन्धी चिन्ता व्यक्त गरिएको छ ।
यसरी निर्देशक काइले मृत्युको मुखमा रहँदा आफ्ना सबै इष्टमित्र र आफन्तहरुलाई अन्तिम सन्देश पठाएको र लन्डनमा हुने छोरालाई पनि धेरै याद र माया पठाएका थिए । घरैमा क्वारेन्टाइन्ड भएर बस्नुले कतिपय अवस्थामा गम्भीर लक्षण भएकालाई उपचार विहिन स्थितिमा राखि, पूरै परिवार र समदुयालाई समेत जोखिममा पारिरहेको साइसिनको रिपोर्टमा ‘हुआजोङ युनिभर्सिटी अफ साइन्स एण्ड टेक्नोलोजी’ का प्रोफेसर छेन बोले बताएका हुन् । हालसम्म कोरोनाका कारण १,८७५ जनाको मृत्यु भएको छ भने ७३ हजार भन्दा धेरै संक्रमित भएको बताइएको छ । –द गार्जियन