काठमाडौं । हालै सम्पन्न ‘मिस कल्चर नेपाल २०२०’ को विजेता हेम्जाकी प्रतीक्षा बास्तोला बनेकी छन् । २९ जना प्रतियोगीलाई उछिन्दै उनले मुख्य उपाधिसँगै ‘मोस्ट कन्फिडेन्ट’ को उपाधि पनि प्राप्त गरेकी हुन् ।
त्यस्तै फस्र्ट रनर अप सपना गौतम, सेकेन्ड रनर अप सुहाना क्षेत्री, थर्ड रनर अप करुणा पौडेल र बिबिका लामिछाने भए भने भ्युअर च्वाइस सुस्मिता पौडेल, अर्गनाइजर च्वाइस प्रतीक्षा मल्ल ठकुरी र सुस्मिता तिमिल्सिना तथा मोस्ट ट्यालेन्ट उपाधि प्रतीक्षा सुवेदीले प्राप्त गरेकी हुन् ।
‘हाम्रो संस्कृति हाम्रो पहिचान लोपोन्मुख संस्कृति जोगाउने हाम्रो अभियान’ भन्ने मुल नाराका साथ पुष्पाञ्जलि फेसन एन्ड इभेन्टद्वारा आयोजित प्रतियोगितामा प्रतियोगिहरूले नेपालका विभिन्न जातजातिलाई प्रतिनिधित्व गर्ने पहिरन लगाएका थिए । कार्यक्रमको उद्घाटन पोखरा महानगरपालिकाका नगर प्रमुख मानबहादुर जिसीले गरेका थिए ।
प्रतियोगिताको निर्णायक टिममा लेखक तथा समालोचक रेशम गिरी, ह्यापी बोर्डिङ्ग स्कुलका प्राचार्य कविराज बराल, चलचित्र निर्देशक सावित्री खत्री, सञ्चारकर्मी कविता श्रेष्ठ, मोटिभेसनल ट्रेनर इन्द्रमणि ढुंगाना, मोडल सोनु मल्ल खाँण र मिडियाकर्मी कमल बराल रहेका थिए ।
