काठमाडौं । धितोपत्र बजारमा सयर कारोबार मापक नेप्से परिसूचक आइतबार झण्डै २० अङ्कले बढेको छ । साताको पहिलो दिन विभिन्न चार कम्पनीको सेयरमा सकारात्मक ‘सर्किट’समेत लागेको छ । नेपाल स्टक एक्सचेन्जका अनुसार नेप्सेमा १९ दशमलब ३९ ले वृद्धि भई १ हजार ३६३ दशमलब ९७ मा पुगेको हो ।
यस्तै सेन्सेटिभ परिसूचक १ दशमलब ५८ ले वृद्धि भई २८५ दशमलब ८२ मा पुगेको छ । नेप्से उकालो लाग्दा त्यसको प्रभाव कारोबार रकममा समेत परेको छ । कुल १७६ कम्पनीको ४१ लाख ५ हजार १३४ कित्ता शेयर रु एक अर्ब ९७ करोड ८१ लाख आठ हजार ७०१ बराबरको कारोबार भयो ।
कारोबार भएका कुल १२ उपसमूहमध्ये आज तीन उपसमूहको शेयर ओरालो लागेको छ भने नौ उपसमूहको शेयर उकालो लागेको छ । वित्त ३ दशमलब ३४, अन्य २ दशमलब ६८ र सामूहिक लगानी कोष ० दशमलब ०६ ले घटेको छ । यस्तै बैंकिङ ५ दशमलब १५, व्यापार ११ दशमलब ०२, होटल ६ दशमलब ९५, विकास बैंक ४ दशमलब ५४, जलविद्युत् ९ दशमलब ४५, निर्जीवन बिमा ४१६ दशमलब ७९, उत्पादन ५३ दशमलब ९४, लघुवित्त ५७ दशमलब ८१, जीवन बिमा ३९८ दशमलब ६९ ले बढेको छ ।
कारोबारका आधारमा हिमालयन डिस्टिलरी शीर्ष स्थानमा रहेको छ । सो कम्पनीको रु १८ करोड चार लाख २० हजार ३१५ बराबरको कारोवार भएको छ । यस्तै शिवम् सिमेन्ट रु १३ करोड पाँच लाख २६९, नेपाल लाइफ इन्सुरेन्स कम्पनी रु नौ करोड ४७ लाख ११ हजार ४४७, सूर्या लाइफ इन्सुरेन्स कम्पनी रु छ करोड ९६ लाख ७३ हजार ७०, शिखर इन्सुरेन्स कम्पनी रु छ करोड ७८ लाख ८९ हजार २६३, नेपाल इन्सुरेन्स कम्पनी रु पाँच करोड ७७ लाख ७७ हजार ४१ र नेको इन्सुरेन्स कम्पनी रु पाँच करोड ६८ लाख १४ हजार ८१४ बराबरको कारोवार भई शीर्ष स्थानमा रहे ।
बजारले ‘बुलिस ट्रेन्ड्र’ पछ्याउँदा विभिन्न पाँच कम्पनीको शेयरमा सकारात्मक प्रभाव देखिएको हो । राधी विद्युत् कम्पनी ९ दशमलब ४९, एनएलजी इन्सुरेन्स ९ दशमलब ४६, ङादी ग्रुप अफ पावर ९ दशमलब २४, नेपाल हाइड्रो ९ दशमलब २३ र राष्ट्रिय बिमा कम्पनीका शेयरधनीले ९ दशमलब १० प्रतिशतले कमाए ।
यस्तै नबिल ब्यालेन्स फन्ड दोस्रो ६ दशमलब ६७, सेन्ट्रल फाइनान्स ५ दशमलब ८८, जानकी फाइनान्स ५ दशमलब ०२, गुह्येश्वरी मर्चेन्ट बैंक एन्ड फाइनान्स ३ दशमलब ५७, नबिल इक्विटी फन्ड ३ दशमलब १७ र मल्टिपर्पोज फाइनान्स कम्पनीका शेयरधनीले २ दशमलब ८१ प्रतिशतले गुमाए । रासस
