खेल
काठमाडौं । सहिद स्मारक ए डिभिजन लिगमा हिमालयन शेर्पाले जित निकालेको छ । शुक्रबार भएको खेलमा हिमालयन शेर्पा क्लबले एनआरटीलाई २–१ गोल अन्तरले पराजित गरेको हो ।
एन्फा कम्प्लेक्समा लिगको आफ्नो अन्तिम खेलमा शेर्पालाई जित दिलाउन स्टेफन समिर र त्रिदेव गुरुङले एक–एक गोल गरे । खेलको ३० औँ मिनेटमा राजेश परियारले गोल गर्दै एनआरटीलाई अग्रता दिलाएका थिए ।
तर, खेलको ४१ औँ मिनेटमा शेर्पाका लागि स्टेफन समिरले बराबरी गोल फर्काए । पहिलो हाफको इन्जुरी समयमा त्रिदेव गुरुङले गोल गर्दै शेर्पालाई २–१ गोलको जित दिलाए ।
जितसँगै शेर्पा क्लब १४ अंक सहित तालिकाको दशौं स्थानमा उक्लियो । एनआरटी १५ अंक सहित नवौं स्थानमा रहँदै लिगको अन्त्य गर्याे ।
प्रकाशित मिति: शुक्रबार, फागुन २, २०७६ १२:५२
प्रतिक्रिया दिनुहोस्