वासिङटन (अमेरिका), १९ साउन । अमेरिकी रिपब्लिकन पार्टीका महत्वपूर्ण कोष सङ्कलक मेग ह्वीटम्यानले द न्युयोर्क टाइम्ससँगको कुराकानीमा रिपब्लिकन पार्टीका तर्फबाट राष्ट्रपति बनेका नेता डोनाल्ड ट्रम्पलाई ‘खतरनाक दुर्जनहरुको नेता’ भनी आलोचना गरेका छन् ।

उनले आफ्नो अर्थ सङ्कलन अभियानबाट जुटेको सबै पैसा डेमोक्रेटिक पार्टीकी नेत्री एवम् अमेरिकी नयाँ राष्ट्रपतिकी उम्मेदवार क्लिन्टनलाई दिनेसमेत मङ्गलबार बताए ।

म हिलारीलाई मतदान गर्छु र मेरा रिपब्लिकन साथीहरुलाई पनि हिलारीलाई मतदान गर्न अनुरोध गर्नेछु, ह्वीटम्यानले बताए । खर्बपति ह्वीटम्यान हेवेल्ट प्याकार्ड इन्टरप्राइजका प्रमुख कार्यकारी अधिकृत हुन् ।  उनले ‘इवे’ को कार्यकारी प्रमुखका रुपमा समेत काम गरेका थिए । उनी सन् २०१० मा क्यालिफोर्नियाबाट गभर्नरका लागि प्रतिस्पर्धा गरे पनि जित भने हासिल गरेका थिएनन् ।  न्युयोर्क टाइम्ससँगको अन्तरवार्तामा रिपब्लिकन उम्मेदवार ‘ट्रम्पलाई बेइमान एवम् दुर्जन नेता’ भएको भन्दै ट्रम्पलाई अमेरिकी राष्ट्रपतिमा निर्वाचित गर्नु भनेको मुलुकलाई ‘खतरनाक यात्रा तिर पु¥याउनु’ हुने बताए।

ह्वीटम्यानले यस वर्ष ट्रम्पले दिएका प्रतिक्रिया हेर्दा उनलाई जर्मन तानाशाह हिटलर र इटालीका तानाशाह मुसोलिनीसँग तुलना गर्न सकिने बताए । ह्वीटम्यानले एक महिना पहिले हिलारीले आफूलाई टेलिफोन मार्फत सघाउन आग्रह गरेको बताउँदै आफू पूर्व विदेश मन्त्री बनिसक्नु भएकी भद्र नेत्री हिलारीको पक्षमा चुनावी अभियानमा समेत लाग्ने बताए । रासस/एएफपी