अर्थ व्यवसाय
काठमाडौं । हिमालयन बैंकको सञ्चालक समिति अध्यक्ष तुलसीप्रसाद गौतमले शपथ लिएका छन् ।
बैंक सञ्चालक समितिको बुधबारको ३८१औं बैठकले उनलाई अध्यक्षमा निर्विरोध चयन गरेको थियो । नव–नियुक्त अध्यक्ष गौतमलाई नेपाल राष्ट्र बैंकका डेपुटी गर्भनर चिन्तामणि सिवाकोटीले बिहीबार पद तथा गोपनीयताको शपथ गराएका हुन् ।
शपथ ग्रहण समारोहमा बैंक सञ्चालक फैजल एन ललानी, प्रमुख कार्यकारी अधिकृत अशोकशमशेर राणालगायत वरिष्ठ अधिकारी सहभागी थिए ।
गौतम संस्थापक सेयरधनी कर्मचारी सञ्चय कोषका तर्फबाट हिमालयन बैंकको सञ्चालक समितिमा प्रतिनिधित्व गर्छन् ।
प्रकाशित मिति: बिहीबार, फागुन १, २०७६ १८:११
प्रतिक्रिया दिनुहोस्