site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement
मन्त्रीहरूमा मानवीय भावनाको खोजी
Ghorahi CementGhorahi Cement
Agni Group
Global Ime bank

सरकारका विभिन्न पदाधिकारीहरूले लामै समय झुलाएपछि दिक्क भएका चीनको वुहानमा अलपत्र परेका नेपालीका आफन्तहरू राष्ट्रिय मानव अधिकार आयोगसमक्ष गुहार माग्न पुगेका छन् । आयोगका अध्यक्षसामु उनीहरूले सरकारविरुद्ध आक्रोश, पीडा र वेदना पोखे । आफ्ना सन्तान वा प्रियजनको आर्तनाद सुनाएर उद्धारका लागि आग्रह गर्दा पनि सरकारी पदाधिकारीहरू गम्भीर नभएको उनीहरूको ठम्याइ छ । हुन पनि उद्धार र उपचारको युद्धस्तरमा तयारी गर्नुपर्ने विषयमा समेत सरकारले निर्णय गर्नै आलटाल गरेर समय खेर फालिदियो । कोरोनाभाइरसको उद्गम स्थल वुहान र हुवेइ प्रान्तमा रहेका विदेशीमध्ये लगभग सबैलाई उनीहरूको मुलुकले उद्धार गरेर लगिसके । त्यहाँ अलपत्र परेका नेपाली नागरिकलाई भाग्यवश अहिलेसम्म कोरोना संक्रमण भएको छैन । यसैले पनि उनीहरू सकेसम्म छिटो त्यहाँबाट उम्कन चाहनु अत्यन्त उचित हो । तर, आलटालमा समय खेर फाल्ने सरकारको शैली भने निन्दनीय र आपत्तिजनक देखिन्छ ।     

यसैबीच नेपालमा सरकारले वुहानबाट ल्याइएकाहरूलाई राख्नका लागि केही ठाउँ तोकेको जानकारी सार्वजनिक भएको छ । त्यसो त चीनबाट उनीहरूलाई ल्याउन जहाज तयार राखिएको पनि केही दिन पहिले नै मन्त्रीले बताएका थिए । चीनमै हुलमा नमिसिई अलग्ग बसेका नेपालीहरूमा अहिलेसम्म संक्रमण देखिएको छैन । तैपनि, उनीहरूलाई दुई साता जति अलग्गै राखेर निगरानी गर्न त्यस्ता केन्द्रमा राखिने हो । तर, जिम्मेवार राजनीतिक दलका नेताहरूले नै तिनलाई आफ्नो नजिक राख्न नदिने वा चीनबाटै ल्याउनै नहुनेजस्ता गैरजिम्मेवार अमानवीय कुतर्क गर्न थालेका छन् । सरकारले जति ढिलो गर्छ कुतर्केहरू उति नै बढी सर्सराउँछन् । लाग्छ, यस्तै कुतर्कहरू फैलिऊन् र चीनमा अलपत्र परेका नेपालीलाई उद्धार गर्न नपरोस् भन्ने सरकारका पदाधिकारीहरूको चाहन्छन । त्यसैले पो तिनले ढिलासुस्ती र आलटाल गरेका हुन् कि ?     

सरकार नागरिकप्रति कठोर र बैगुनी भएको छ भन्ने छाप चीनमा अलपत्र परेका नेपाली र तिनका परिवारमा मात्र हैन यस घटनाक्रमलाई नियाल्ने सबैमा परेको छ । यसले समाजमा आक्रोश बढाएको देखिन्छ । यो आक्रोश विस्फोट भयो भने सरकारका लागि प्रत्युत्पादक बन्नेछ । सरकारले चीनलाई खुसी तुल्याउने नियतले यसरी आलटाल गरेको हैन भने तत्काल उद्धारका लागि भएका प्रयत्न र प्रगतिको जानकारी सार्वजनिक गरोस् । व्याकुल आफन्तहरूको धैर्यको परीक्षा नलिइयोस् । चीनस्थित नेपाली दूतावासले माओको सांस्कृतिक क्रान्ति ताकाको नक्कल गरेजस्तो उटपट्याङ उपहासमा समय खेर फाल्नुको साटो पानी पनि खान नपाउने बेला भयो भनेर आत्तिएका नागरिकसँग सम्पर्क गरी उनीहरूलाई आश्वस्त तुल्यायोस् । नेपाल राष्ट्र असफल भइसकेको छैन र सरकारी पदाधिकारीमा पनि मानवीय भावना र करुणा छ भने प्रमाणित गर्न ढिलो नगर !      
 

NIBLNIBL
प्रकाशित मिति: सोमबार, माघ २७, २०७६  १३:०६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC