काठमाडौं । आईसीसी विश्वकप क्रिकेट लिग-२ त्रिकोणात्कम एकदिवसीय सिरिजमा नेपाल ओमानसँग पराजित भएको छ । बुधबार भएको खेलमा नेपाल ओमानसँग १८ रनले पराजित भएको हो । 

कीर्तिपुरस्थित त्रिवि क्रिकेट मैदानमा ओमानले दिएको १९८ रनको लक्ष्य पछ्याएको नेपालले ओभर बलमा विकेट गुमाउँदै रन बनायो । नेपालका लागि शरद भेषवाकरले अर्धशतकीय पारी खेले । १०८ बल खेलेका उनले ८ चौकाको सहयोगमा ५५ रन बनाए । नेपालका लागि दिपेन्द्र सिंह ऐरीले ३६ रन बनाउँदा सन्दीप लामिछानेले २८ र विनोद भण्डारीले २६ रन बनाए । 

नेपालले ओपनरमा आएका कप्तान ज्ञानेन्द्र मल्ला र पारस खड्कालाई सुरुआती समयमै गुमाएको थियो । कप्तान ज्ञानेन्द्र १ रन बनाएर आउट भए भने पारसले ३ रन बनाए । नेपालका लागि रोहित कुमार पौड्ले रन नबनाएर आउट भए भने आरिफ शेख ६ रन बनाएर आउट भएका थिए । यसअघि टस बादल सिंहलाई ५ रनमा क्याच आउट गराएका हुन् । 

यसअघि सुशन भारीले व्यक्तिगत तेस्रो विकेट लिएका थिए । उनले ३४ ओभरको चौथो बलमा आफ्नो व्यक्तिगत तेस्रो विकेट लिएका थिए । सुशनले सन्दीप गाउडलाई ३३ रन बनाएका स्टम्पिङ आउट भएका हुन् । सुशनले एकै ओभरमा दुई विकेट लिएका थिए । १९ ओभर बलिङ गर्न आएका नेपालका ओभरको चौथो र अन्तिम बलमा दुई विकेट लिएका थिए ।  

सुशनले चौथो बलमा ओमानका कप्तान जिशन मक्सोदलाई एलबीडब्लु आउट गराएका हुन् । त्यस्तै अन्तिम बलमा उनले सुरज कुमारलाई क्याच आउट गराए । यसअभि ओमानका अक्विब ल्यस रन आउट भएका थिए । उनी अबिनाश बोहोराको बलमा दिपेन्द्र सिंह ऐरीले रन आउट गराएका हुन् । 

ल्यबले ओमानका लागि १६ रन बनाएका थिए । कीर्तिपुरस्थित त्रिवि मैदानमा सातौं ओभर बलिङ गर्न आएका करण केसीले खवार अलीलाई क्याच आउट गराएका थिए । अली ५ रन बनाएर आउट भए । करणले नै खेलको पहिलो ओभरमा बलिङ गर्न आएका उनले जितेन्द्र सिंहलाई ५ रनमा आउट गराएका थिए । उनले जतिन्द्ररलाई बोल्ड आउट गराएका हुन् ।

तस्बिर : सुनिल प्रधान