वाशिङ्टन । एक बेलायी किशोरको ज्यान जाने गरी भएको कार दुर्घटनाकी आरोपितलाई सुपुर्दगी गर्न बेलायतले गरेको आग्रह संयुक्त राज्य अमेरिकाले अस्वीकार गरेको छ । अमेरिकी कूटनीतिज्ञकी श्रीमतीविरुद्ध लापरबाहीपूर्वक गाडी चलाउँदा बेलायती किशोर ह्‍यारी डुनको मृत्यु भएको मुद्दा छ ।

अमेरिकी विदेश मन्त्रालयका प्रवक्ताका अनुसार उक्त घटना हुँदा साकोलस कूटनीतिक ओहोदामा रहेकाले कूटनीतिक प्रतिरक्षाको प्रयोगलाई 'व्यावहारिक शून्यता' प्रदान गर्नु उपयुक्त हुन्छ । यो असाधारण अवस्था हो ।

"अमेरिका र बेलायतबीच 'आपसी कानुनी सहयातामा सहकार्य' गरेको इतिहास छ र हामी उक्त सम्बन्धलाई सम्मान गर्छौं," प्रवक्ताले भने, "अमेरिकी सरकार उक्त दुर्घटनामा ज्यान गुमाउने डुनप्रति श्रद्धाञ्‍जलि र परिवारमा समवेदना अपर्ण गर्दछ ।" 

१९ वर्षीय डुनको अगस्ट २७ मा इङ्‍ल्यान्डको क्रगटनमा दुर्घटना हुँदा मृत्यु भएको थियो । मोटरसाइकलमा सवार डुनलाई गलत दिशाबाट आएको सवारीले ठक्कर दिएको थियो । - सीएनएन