काठमाडौं । नायक आर्यन सिग्देलले तेलुगु चलचित्र ‘अर्जुन रेड्डी’को नेपाली रिमेकमा आफू नरहेको स्पष्ट पारेका छन् । केही समय यता उक्त रिमेकमा आफ्नो नाम जोडिएको भन्दै आर्यानले आफू उक्त चलचित्रमा नरहेको बताएका हुन् ।
उनले आफूसँग ‘अर्जुन रेड्डी’बारे कसैले पनि कुरा नगरेको पनि स्पष्ट पारेका छन् ।
चलचित्र वितरक तथा निर्माण कम्पनी ‘युवा फिल्मस्’ले ‘अर्जुन रड्डी’को नेपाली रिमेक राइट लिएको छ ।
भारतलगायत दक्षिण एसियाली देशमा राम्रो व्यापार गरेको चलचित्रको नेपाली रिमेक ‘युवा फिल्मस्’ले बनाउने भएको हो ।
सन्दिप भङगाले निर्देशन गरेको ‘अर्जुन रेड्डी’को तेलुगु भर्जनमा विजय देवराकोन्डाले शिर्ष भूमिका निर्वाह गरेका थिए भने हिन्दीमा ‘कबिर सिंह’मा शाहिद कपुर थिए ।
तस्बिर : आर्यनको फेसबुकबाट