अवार्ड कसैको कामको लागि प्रदान गरिने कदर र प्रोत्साहन हो । ओस्कर, गोल्डेन ग्रोल्भ, ग्रामी विश्वका चर्चित अवार्डहरु हुन् । यी सँगै बलिउडमा पनि थुप्रै अवार्ड समारोहहरु हुने गर्दछ ।
पछिल्लो समय नेपाली सिने नगरीमा पनि थुप्रै अवार्ड समारोहरुको आयोजना हुन थालेका छन् । यी अवार्ड समारोहहरु सरकारी तवरबाट भन्दा पनि निजी क्षेत्रबाट एकपछि अर्कोगर्दै च्याउसरी उम्रिन थालेका हुन् । यी अवार्ड समारोहहरु नेपालमा भन्दा पनि विदेशी भूमिमा आयोजना हुन थालेका छन् ।
तर के यी अवार्ड समारोहहरु निष्पक्ष र कलाकारलाई साँच्चै प्रोत्साहन मिलिरहेको छ त भन्ने प्रश्न उठिरहेको छ । अवार्डहरु यति धेरै हुन थालेका छन् की अवार्ड लिन जाने व्यतिmहरुले अवार्ड हुने मिति, समय र समारोहलाई नै बिर्सिन थालिसकेका छन् ।
पछिल्लो समय नेपालमा भन्दा पनि धेरै सिनेमाका कार्यक्रमहरु विदेशमा हुने गरेको देखेर उदेक लाग्छ । केही प्राज्ञिक गतिविधिहरुले चलचित्र उद्योगको विकासमा टेवा पक्कै पुगेको छ । तर ति गतिविधिहरु ओभरहाइप भएको र अरु अनावश्यक गतिविधिहरु भने अन्डरहाइप भइरहेका छन् । यो हुनुमा सञ्चार क्षेत्रको प्रत्यक्ष हात रहेको जस्तो मलाइ लाग्छ ।
यी महोत्सव नेपाली चलचित्रहरु अन्तराष्ट्रिय दर्शकलाई देखाउने एकमात्रै उत्तम गन्तव्य हुन सक्नुपर्छ ।
नेपालमा भएका अवार्ड समारोहहरुमा मनोनयनमा परेकै कलाकारहरु पनि पुगिरहेका हुँदैनन् । विदेशमा हुने अवार्ड समारोहमा अवार्ड लिने पनि हेर्ने पनि कलाकारहरु मात्रै हुन्छन् ।
(तेस्रौं नेपाल अन्तर्राष्ट्रिय चलचित्र महोत्सव(निफ) को घोषणा कार्यक्रममा नीर शाहले राखेको विचार ।)