विश्वकै दोस्रो ठूलो अर्थतन्त्र भएको मुलुकमा कुपोषणले विद्यार्थीको मृत्यु

२०२० मा गरिबी उन्मूलन गरी समृद्ध मुलुक बनाउने राष्ट्रपति सीको घोषणा, एक करोड १६ लाख मानिस अझै गरिबीको रेखामुनि 

विश्वकै दोस्रो ठूलो अर्थतन्त्र भएको मुलुकमा कुपोषणले विद्यार्थीको मृत्यु

बेइजिङ । विश्वको दोस्रो ठूलो अर्थतन्त्र भएको मुलुक चीनमा कुपोषणका कारण एक विद्यार्थीको मृत्यु भएको छ । दक्षिण पश्चिम चीनमा पर्याप्त पोषणयुक्त खाना किन्ना नसक्दा भएको ती विद्यार्थीको मृत्युले विश्वको ध्यान तानेको छ ।

टोनग्रिनस्थित गिजयु मेडिकल विश्व्विद्यालयमा सोमबार २४ वर्षीया वु हुयानको मृत्यु भएको मेडिकलका प्रवक्ताले पुष्टि गरे । उनले हुयानको मृत्युको कारण भने बताउन चाहेनन् । गिजयु फोररनर कलेजको तेस्रो वर्षमा अध्ययनरत हुयान १३५ सेन्टिमिटर अग्ली थिइन् भने उनको तौल २१ किलो थियो । 

उनी सानै हुँदा आमाबुबाको मृत्यु भएको थियो । भाइसँग सामाजिक सुरक्षा कार्यक्रमअन्तर्गत प्राप्त हुने तीन सय युआन (४३ डलर) प्रतिमहिनाको भरमा उनी जीविका चलाइरहेकी थिइन् । उनलाई मासिक प्राप्त हुने तीन सय युआनलाई निकै बचाउ गरेर आफ्नो जीवन बाँचिरहेकी थिइन् । उनको भाइलाई मानसिक समस्या छ । 

चिनियाँ सरकारी सञ्चाारमाध्यम युथ डेलीका अनुसार उनले हरेक दिनको खाजा खर्च बचाएर खानाका लागि जोहो गर्थिन् । उनले खुर्सानीसँग भात खान्थिन् । सरकारी विज्ञप्तिमा अनुसार उनी उच्च शिक्षा अध्ययन गर्न सुरु गरेदेखि उनलाई पोषणयुक्त खाना उपलब्ध गराइएको थियो । 

उनलाई अक्टोबरमा अस्पताल भर्ना गरिएको थियो । चिकित्सकका अनुसार उनको मुटुको धमनीमा गम्भीर चोट लागेको थियो । उनको धमनीको उपचार गर्न करिब दुई लाख युआन (२९ हजार) डलर लाग्थ्यो  । 

हुयानको मृत्युपछि चिनियाँ सामाजिक सञ्जाोलमा विभिन्ना टिप्पणीहरु भइरहेका छन् । जसमा एक विद्यार्थीलाई बचाउन राज्यले किन पहल गरेन भन्नेि प्रश्न उठेका छन् । चिनियाँ सामाजिक सञ्जािल विबोमा एकजनाले भनेका छन्, "कसैले पर्याप्त खाना नपाएर ज्यान गुमाउनुपरेको कुरा कल्पना गर्न पनि सकिँदैन । सरकारले कस्तो गरिबी निवारण कार्य गरिरहेको छ ?" 

सन् २०१५ मा चिनियाँ राष्ट्रपति सी जिन पिङ्ले सन् २०२० को अन्त्यसम्मा चीनबाट गरिबी उन्मूलन गर्ने र समृद्ध समाज निर्माण गर्ने घोषणा गरेका थिए । चीनले गरिबी उन्मूलनका लागि ७ लाख ७५ हजार कर्मचारीसमेत खटाएको छ । 

सन् २०१८ को विश्व बैंकको तथ्यांकअनुसार १३.६ ट्रिलियन अमेरिकी डलर गार्हस्थ उत्पादनसहित चीन दोस्रो ठूलो अर्थतन्त्र भएको मुलुक हो । यद्पि चीनको आर्थिक विकासको यात्रा असमान समाज निर्माण गर्नेतर्फ अग्रसर भइरहेको छ ।
चीनको राष्ट्रिय तथ्यांकअनुसार सन् २०१८ को अन्त्यतिर सार्वजनिक एक तथ्यांकअनुसार १६ करोड ६० लाख मानिसहरु अझै पनि गरिबीको रेखामुनि छन् । -सीएनएन
 

प्रतिकृया दिनुहोस
ad