निम्न आयका महिलालाई २० हजार छुट दिने सम्झौता नवीकरण

निम्न आयका महिलालाई २० हजार छुट दिने सम्झौता नवीकरण

काठमाडौं । सानिमा बैंक र पाटन अस्पतालले निम्न आर्थिक अवस्था भएका महिलाको उपचारका लागि गरेको सम्झौता नवीकरण गरेका छन् ।

बैंकले निम्न आयस्तर भएका महिलालाई गत वर्षदेखि प्रतिव्यक्ति २० हजार रुपैयाँसम्म उपचारका लागि सहयोग उपलब्ध गराउँदै आएको छ । बैंकले प्रत्येक ‘नारी बचत खाता’ बापत बैंकका तर्फबाट मासिक १ रुपैयाँका दरले नारी सामाजिक कोषमा रकम जम्मा गर्दैै आएकोे छ । उक्त संकलित रकम नारी उत्थानका लागि खर्च गर्ने उद्देश्यले नै बैंकले पाटन अस्पतालसँग यो सम्झौता गरेको हो ।

नवीकरण सम्झौतापत्रमा बैंकका प्रमुख कार्यकारी अधिकृत भुवनकुमार दाहाल र अस्पतालका निर्देशक डा. विष्णुप्रसाद शर्माले हस्ताक्षर गरे । बैंकले सामाजिक उत्तरदायित्वअन्तर्गत अस्पताललाई उपलब्ध गराउने सो सहयोग रकमले निम्न आयस्तर भएका महिलाको उपचारमा राहत पुग्नुका साथै बैंकको सो कदम प्रशंसनीय रहेको पाटन अस्पतालका निर्देशक शर्माले बताए ।
 

प्रतिकृया दिनुहोस
ad