काठमाडौं । यस वर्षको ओस्कार अवार्डको मनोनयनमा अमेरिकाको मनोवैज्ञानिक थ्रिलर फिल्म जोकर सबैभन्दा धेरै ११ विधामा मनोनयन भएको छ । जोकरलाई बेस्ट फिल्म, बेस्ट डाइरेक्टर, बेस्ट एक्टरका साथै ११ विधामा मनोनयन गरिएको हो ।
जोकर अघिल्लो साता बेलायती एकेडेमी फिल्म अवार्डमा पनि ११ विधामा मनोनयनमा परेको थियो ।
द आइरिशम्यान १९१७ र वन्स अपन अ टाइम इन हलिवुड १०–१० नोमिनेशनमा परेको छ ।
जोकरसँगै बेस्ट फिल्म श्रेणीमा द आयरिसम्यान १९७१ र वन्स अपन अ टाइम इन हलिउडलाई पनि मनोनयनमा पारिएको छ ।
बेस्ट फिल्मको श्रेणीमा फार्ड भर्सेस फेरारी, जोजो र्याबिट, लिटिल वुमन, म्यारिज स्टोरी र दक्षिण कोरियाली फिल्म प्यारासाइट पनि मनोनयनमा परेका छन् । भारतबाट गली ब्वायलाई ओस्कारमा पठाइए पनि उक्त चलचित्र पनि मनोनयनमा परेन ।
नेपालबाट यो वर्ष चलचित्र ‘बुलबुल’ लाई ओस्कारका लागि सिफारिस गरिएको थियो । यद्यपि ‘बुलबुल’ले पनि आफूलाई मनोनयनमा पार्न सकेन । ‘बुलबुल’ निर्देशक बिनोद पौडेलले भने, “अर्बमा लगानी गरेका चलचित्रसँग लाखमा बनेका चलचित्रले प्रतिस्पर्धा गर्न गाह्रो हुन्छ,” विनोद भन्छन्, “त्यसमा पनि सार्कका चलचित्र भनेपछि खासै नोटिस नै गर्दैनन् । भारतकै चलचित्रलाई पनि उनीहरुले वास्ता गर्दैनन्, नेपाली चलचित्र त धेरै परको कुरा भयो ।”