काठमाडौं । गायक प्रकाश सपूत अब नायकका रुपमा देखिने भएका छन् । दोहोरी ब्याटल, बोल माया, गलबन्दी लगायत लोकप्रिय गीतका गायक प्रकाशलाई अब उनका स्रोताले नायकको रुपमा पनि देख्न पाउने भएका हुन् । 

नारायण रायमाझीको चलचित्र ‘परदेशी–२’मा उनी नायकको रुपवमा डेब्यु गर्ने तयारीमा छन् । उनको अपोजिटमा को हरने निश्चित भैसकेको छैन । “चलचित्र घोषणाको तयारी भैरहेको छ । अर्को साता चलचित्र घोषणा हुने छ,” स्रोतले भन्यो । निर्माण पक्षले भने यसबारे बोल्न चाहेन । 

चलचित्रको कथा रमेश बिजीले लेखेका हुन् । 

‘परदेशी’को पहिलो सिरिजमा नायकको रुपमा डिन्डियन आइडल प्रशान्त तामाङले अभिनय गरेका थिए । 

चलचित्र फागुनमा फ्लोरमा जाने छ भने दसैंको सेरोफेरोमा रिलिज गर्ने सोचमा निर्माण पक्ष रहेको छ ।