काठमाडौं । भ्रमण वर्ष २०२० प्रवर्द्धनका लागि भन्दै अप्रिलिया बाइकका सय राइडर चित्लाङ पुगेका छन् । नेपालका लागि पियाजियोको भेस्पा र अप्रिलिया टु ह्विलर्सका आधिकारिक बिक्रेता एमभी दुगड ग्रुपअन्तर्गतको दुगड ब्रदर्स एन्ड सन्स प्रालिले शनिबार ‘राइड टु चित्लाङ २०१९’ सम्पन्न गरेको हो ।
नक्सालमा रहेको अप्रिलियाको सोरुमबाट सुरु यात्रा चित्लाङको अग्र्यानिक भिलेज रिसोर्टमा पुगेर विभिन्न मनोरञ्जनात्मक खेलमा सहभागी बनेको थियो । यो यात्राको फ्ल्याग अफ दुगड ब्रदर्स एन्ड सन्स प्रालिका भाइस प्रेसिडेन्ट विजयकुमार महत्तोले गरेको पीआर हेड विमला थापाले जानकारी दिइन् ।
नेपाल भ्रमण वर्ष २०२० को सन्दर्भका लागि नेपालको प्राकृतिक रमणीय स्थलमध्ये एक मानिने चित्लाङ गाउँको प्रवद्र्धनका लागि राइडको आयोजना गरिएको थियो । नेपालको टु ह्विलर्सको इतिहासमा सम्भवतः पहिलोपटक सयभन्दा बढी क्रेतालाई नाइट आउट राइडमा लगिएको हो ।
युवा जमातले अत्याधिक रुचाइएको अप्रिलियाको स्कुटरको उक्त राइडलाई सागर थापा र विभव कार्कीले नेतृत्व गरेका थिए । सवारी चलाउँदा धैर्य, अनुशासन र अनुभव चाहिने हुँदा थापा र कार्कीले सबैलाई प्रोत्साहन गर्दै चित्लाङसम्म पुर्याएका थिए । कार्यक्रमका सय राइडरका लागि कुशल व्यवस्थापन ब्रान्ड मेनेजर करुणा पुडासैनीे र उनको टिमले गरेका थिए । राइडरहरूलाई चित्लाङमा विभिन्न खेलमा सहभागी गराएर विजेतालाई पुरस्कारसमेत वितरण गरिएको थियो ।