काठमाडौं ।व्यवस्थापिका–संसद्को चौथो ठूलो शक्ति राप्रपा नेपालले सरकारमा जाने कि नजाने भन्ने विषयमा मंगलबार पनि निर्णय गर्न सकेन । राप्रपा नेपालको केन्द्रीय समिति र संसदीय दलको संयुक्त बैठकमा केही नेताहरुले सरकारमा जान नहुने धारणा राखेका थिए ।

तर अधिकांश सदस्यले राप्रपासँग एकता गरेर सरकारमा जानुपर्ने धारणा राखेको स्रोतले जानकारी दियो ।

बैठकमा अध्यक्ष कमल थापाले सरकारमा जाँदाका फाइदा र घाटाका बारेमा जानकारी गराएका थिए ।

बैठकमा सुशील श्रेष्ठ, दिलनाथ गिरी, बाबुकाजी प्रधान, रेशम लामा लगायतका नेताहरु सरकारमा जान नहुने पक्षमा उभिएका छन् ।

“सरकारमा जानुपर्छ र हुँदैन भन्ने दुवै धारणा आएका छन्,” राप्रपा नेपालका सहायक प्रवक्ता मोहन श्रेष्ठले भने,“राप्रपासँगको एकताका बारेमा निर्णय भएपछि सरकारमा जाने कि नजाने भन्ने निर्णय हुन्छ ।”