बीबीसी । उत्तर कोरियाले अर्को 'महत्वपूर्ण परीक्षण' गरेको बताएको छ । उत्तर कोरियाली सञ्चारमाध्यम केसीएनएले शनिबार जनाएअनुसार उत्तर कोरियाले स्याटेलाइट लञ्च साइटमा शुक्रबार रणनीतिक परमाणुमा आफूलाई अब्बल देखाउन रणनीतिक परीक्षण गरेको छ ।
उत्तर कोरिया सरकारका प्रवक्ताले उक्त समाचार संस्थालाई उक्त परीक्षण शुक्रबार सोही स्याटेलाइन लञ्चङ् ग्राउण्डमा गरिएको हो । तर, यसको थप विवरण भने दिन इन्कार गरेका छन् । एक सातामै यहाँ दोस्रोपटक परमाणु परीक्षण गरिएको हो ।
उक्त क्षेत्रमा के परीक्षण गरिएको थियो भन्ने यकिन खुलाइएको छैन । उत्तर कोरिया विज्ञ अमेरिकी वैज्ञानिक अंकित पण्डाका अनुसार जमिनमा ब्यालेस्टिक मिसाइल इन्जिन परीक्षण गरिएको हुनसक्ने बताएका छन् ।
दक्षिण कोरियाका रक्षामन्त्रीले यसअघि नै उत्तर कोरियाले डिसेम्बरमा गरिने परीक्षणको पूर्वतयारी भइरहेको बताएका थिए ।
नोभेम्बरमा लगातार मिसाइल परीक्षण गरेपछि उत्तर कोरिया फेरि परमाणु विस्फोटमा फर्किएकोप्रति जापानले निन्दा गरेको थियो ।
संयुक्त राज्य अमेरिका र उत्तर कोरियाबीचको परमाणु योजनासम्बन्धी वार्ता स्थगित भएको छ । अमेरिकी राष्ट्रपति डोनाल्ड ट्रम्पले उत्तर कोरियाले पूर्णरुपमा परमाणु निशस्त्रीकरण नगरुञ्जेलसम्म प्रतिबन्ध नहटाउने बताएका छन् ।
तर, उत्तर कोरियाली नेता किम जोङ उनले भने नयाँ एजेण्डासहित यही वर्षको अन्त्यमा वार्ताका लागि आग्रह गरेका छन् । पयोङ्याङले वार्ताका लागि नयाँ तरिका अपनाइने बताएको छ । यदी नयाँ तरिका नअपनाइएमा अमेरिकाले अशुभ 'क्रिसमस गिफ्ट' पाउने चेतावनी दिएको छ ।