काठमाडौं । नेपाल टोस्टमास्टर्सको वार्षिक सम्मेलन सम्पन्न भएको छ । साइटेशन २०१९ नाम दिइएको सम्मेलनमा नेपालभरका ३ सय ५० जना सदस्यहरुले ३० वटा क्लबको प्रतिनिधित्व गर्दै सहभागी भएका थिए । यी सहभागीहरुले विभिन्न समुदायिक क्लब, कम्पनी, व्यवसायिक संगठन, र शिक्षक संस्थाको प्रतिनिधित्व गरेका थिए ।

सम्मेलनमा प्रमुख वक्ताको रुपमा टोस्टमास्टर्स इन्टरनेसनलका अन्तर्राष्ट्रिय प्रेसिडेन्ट दीपक मेनन रहेका थिए ।

यसैगरी, नेपाल टोस्टमास्टर्सले कृष्णा ताम्राकारलाई कम्युनिकेटर अवार्ड २०१९ द्वारा सम्मान गरेको छ । ८२ वर्षीया ताम्राकार अझै पनि दुईवटा एफएम कार्यक्रम चलाउँछिन् । उनी एक क्यान्सर सर्भाइभर हुन् र क्यान्सरसम्बन्धी जनचेतनाका लागि ‘आशा’ नामक रेडियो कार्यक्रम चलाउँछिन् । उनले ३१ वर्षसम्म रेडियो नेपालमा समाचार वाचिका रहेकी थिन् ।

सम्मेलनमा ‘इभ्यालुएसन’ र ‘ह्युमरस’का प्रतिस्पर्धीले फाइनल राउन्डका लागि प्रतिस्र्धा गरेका थिए । प्रतिस्पर्धाको विजेता ‘इभ्यालुएसन’तर्फ कुशुम टोस्टमास्टर्स क्लबकी प्रिया चापागाँइ भएकी छन् भने ‘ह्युमरस स्पिीच कन्टेस्ट’तर्फ लक्ष्मी बैंक टोस्टमास्टर्स क्लबकी कुष्मा केसी भएकी छन् । यी दुवै एरिया ए५ का टोस्टमास्टर्स हुन् । यी दुवै विजेताले भारतको नयाँ दिल्लीमा मे २०२० मा आयोजना हुन् डिस्ट्रिक्ट लेभल कन्टेस्टमा सहभागी हुनेछन् ।

कार्यक्रममा ‘सञ्चारको माध्यमबाट नेतृत्व’ भन्ने विषयमा प्यानल छलफल पनि राखिएको थियो जसमा प्यानलिस्ट सुमन शाक्य डीटीएम, रञ्जीत आचार्य डीटीएम, जेनिफर घोष डीटीएम र इन्टरनेशनल प्रेसिडेन्ट दीपक मेनन डीटीएम रहेका थिए ।

कार्यक्रममा नेपाल टोस्टमासटर्स डिभिजन ए डिस्ट्रिक ४१ को न्युजलेटर इन्कस्पायरको दोस्रो अंक सार्वजनिक गरिएको थियो ।