भक्तपुर । प्रदेश नं ३,  प्रदेशसभाका सभामुख सानुकुमार श्रेष्ठले भक्तपुर १ (क) बाट नवनिर्वाचित प्रदेशसभाका सदस्य कृष्णलाल भँडेललाई आज  पद तथा गोपनीयताको शपथ गराएका छन् ।  भँडेल नेपाली काँग्रेसका तर्फबाट निर्वाचित भएका हुन् । 

सो अवसरमा उपसभामुख राधिका तामाङ, प्रमुख प्रतिपक्षी नेपाली काँग्रेस संसदीय दलका नेता इन्द्रबहादुर बानियाँलगायतले  प्रदेशसभा सचिवालयद्वारा प्रकाशित ‘प्रदेश तेस्रो दर्पण’ स्मारिकाको पनि आजै सार्वजनिक गरेका थिए ।   

प्रदेशसभामा यसअघि भक्तपुर १ (क) बाट निर्वाचित हरिशरण लामिछानेको उपचारका क्रममा निधन भएकाले करीब डेढ वर्षदेखि उक्त पद रिक्त हुँदै आएको थियो । 

प्रदेशसभामा  हाल सत्तारुढ नेकपाका ८०, कांग्रेसका २२, नेपाल मजदूर किसान पार्टीका दुई , साझा विवेकशीश पार्टीका तीन तथा राप्रपा(संयुक्त),  राप्रपा र  स्वतन्त्रका  एक एक प्रदेशसभा सदस्य रहेको प्रदेशसभा सचिवालयका कानून अधिकृत विनोद अमात्यले जानकारी दिए । - रासस