काठमाडौं । चर्चित नेपाली ब्यान्ड ‘१९७४ एडी’को ‘माया बिसाउने चौतारी’ गीतको भिडियो सार्वजनिक भएको छ ।
वर्षौंसम्म छुट्टिएर बसेका ब्यान्डका सदस्यहरू पुनः एकजुट भएपछि निकालेको पहिलो एल्बम ‘निरन्तरता’मा यो गीत समावेश छ ।
गीतको शब्द, स्वर ब्यान्डकै मुख्य गायकमध्ये एक फिरोज स्याङ्देनको रहेको छ । गीतमा निराकर याकथुम्बोले बास, एड्रियन प्रभानले स्वर, ड्रम र ब्लुज हार्प, मनोजकुमार केसीले गितार र किबोर्ड र सञ्जय श्रेष्ठले पर्कसन र क्याक भोकलमा साथ दिएका छन् ।
गीतको भिडियोमा ब्यान्ड मेम्बर्सलाई नै फिचर्ड गरिएको छ । गीतको रेकर्ड काठमाडौं ज्याज कन्जर्वेटरी काटजाज रेकर्डसमा गरिएको हो ।
गीतको भिडियो ब्यान्डको आफ्नै युटयुब च्यानल १९७४ एडीबाट सार्वजनिक गरेको हो ।