काठमाडौं । १३ औं दक्षिण एसियाली खेलकुद (साग) अन्तगर्त टेबल टेनिस शुक्रबारबाट सकिएको छ । आयोजक नेपालले टेबलटेनिसबाट १ रजत र ५ कास्य पदक जितेको छ ।
लैनचोरस्थित टेबल टेनिस कोर्टमा शुक्रबार सकिएको खेलमा नेपालले १ रजत ३ कास्य पदक जितेको हो । पुरुष टिम इभेन्टमा नेपालले पहिलो पटक रजत पदक जित्दा व्यक्तिगत पुरुष स्पर्धामा २ कास्य तथा महिला टिम स्पर्धामा एक कास्य तथा मिक्स र मेन्स डबलमा १-१ कास्य गरी नेपालले कुल ६ पदक जितेको हो ।
सिवसुन्दर गोथे, स्यान्टु श्रेष्ठ र पुरुषोत्तम बजाचार्य सम्मलित पुरुष टिमले भारतलाई नतिजा सुम्पिएपछि रजतमा चित्त बुझाउनु परेको हो ।
यस्तै ब्यक्तिगत पुरुष स्पर्धामा स्यान्टु श्रेष्ठ र पुरुषोत्तम बजाचार्यले कास्य जितेका छन् । दुबै खेलाडी सेमिफाइनलमा भारतीय खेलाडीसँग पराजित भए ।
महिला टिम स्पर्धामा नविता श्रेष्ठ,टिका सुवाल,रविना महर्जन सम्मलीत टोलीले कास्य जितेको हो । योसँगै घरेलु कोर्टमा भएको १३ औं सागमा टेबल टेनिसले कुल ६ पदक जितेको छ ।