काठमाडौं । अभिनेता रोबर्ट प्याटिसनले लामोसमयदेखि छलफलमा रहेको पुरानो कमिक किताब 'ब्याटम्यान' सुपरहिरो हो या होइन भन्ने कुरामा बोलेका छन् ।
उनी २०२१ मा रिलिज हुन लागेको चलचित्र ‘दी ब्याटम्यान’ मा देखिँदै छन् । प्याटिसनले हलिउड मिडियालाई अन्तवार्ता दिँदै 'ब्याटम्यान' सुपरहिरो नभएको बताएका छन् ।
उनले सुपरहिरो हुनको लागि जादुई शक्ति हुनुपर्ने बताउदै भने, “हो हामी त्यस्तै पहिरन लगाउँछौं , तर कमिकका उत्कृष्ट दशर्कले याद गर्नुपर्छ कि हामीले कुनै जादुई शक्ति देखाउन सक्दैनौं ।”
चलचित्रमा आफनो क्यारेक्टर बारे प्रस्ट्याउदै उनले थपे, “ब्रुस वेन धनी केटा हुन्, जसले आफ्नो दिमाग र सुगठित शरीरको बलको प्रयोग गरेर सुपरहिरोहरु ‘सुपरम्यान’, ‘वोन्डर वोमन’ र ‘द ग्रिन लान्टनर्’ जस्तो गरि प्रतिस्पर्धा गर्छन् । ”
चर्चित अमेरिकन रोमान्टिक काल्पनिक चलचित्र ‘ट्वाइलाइट’ बाट चर्चा कमाएका प्याटिसनलाई द ब्याटम्यानले त्यति धेरै चर्चा नदिलाउनेमा डर भएको पनि बताए ।
(फक्स न्युज)