विराटनगर । सुनसरीको कोशी गाउँपालिकामा एम्बुलेन्स र ट्रक एक आपसमा जुध्दा ६ जनाको मृत्यु भएको छ ।
विराटनगरबाट मृतकलाई लिएर उदयपुरतर्फ जाने क्रममा विपरीत दिशाबाट आएको ट्रक र एम्बुलेन्स हरिपुरमा दुर्घटना भएको प्रदेश १ प्रहरी कार्यालय विराटनगरले जनाएको छ । एम्बुलेन्समा सवार ६ जनाको घटनास्थलमै मृत्यु भएको हो । प्रहरीका अनुसार ना २ ख ९०८२ नम्बरको ट्रक र को १ च ९३६४ नम्बरको एम्बुलेन्स ठोक्किएका हुन ।
मृत्यु हुनेहरुममा उदयपुरको त्रियुगा नगरपापलिकाका चालक एम्बुलेन्स राजेश दनुवार, दुर्गाधन राई, टेकेन्द्र राई, तुलाबहादुर राई, मुकेश राई र दिनेश राई छन् । विराटनगरको गोल्डेन अस्पतालमा उपचारको क्रममा मृत्यु भएको शिवमाया राईको शव बोकेर एम्बुलेन्स उदयपुरतर्फ जाँदै थियो । बीचैमा दुर्घटनामा परेको प्रहरीले जनाएको छ । मृतकहरुको शव सुनसरी जिल्ला अस्पताल इनवरुवामा राखिएको प्रहरीले जनाएको छ ।
पूर्वपश्चिम राजमार्गको हरिपुरमा पूर्वबाट पश्चिम उदयपुरतर्फ जाँदै गरेको एम्बुलेन्स वीरगञ्जबाट पूर्वतर्फ आउँदै गरेको मालबाहक ट्रकसँग प्रदेश प्रहरी कार्यालयका प्रवक्ता एसएसपी शेखर कोइरालाले जानकारी दिए । भने,‘‘मध्यरातमा हुस्सु लागेको कारण भिजिविलिटीमा समस्या भई सवारीसाधन जुधेका हुन सक्छन् ।’’
यसअघिको समाचारमा सातजनाको मृत्यु भएकाले सच्याइएको छ*