एजेन्सी । प्रिमियर लिग क्लब आर्सनल युरोपा लिग फुटबलमा पराजित भएको छ । बिहीबार राति भएको खेलमा आर्सनल जर्मन क्लब आईन्ट्याच फ्रान्कफर्टसँग २–१ गोल अन्तरले पराजित भएको हो । खेलमा सुरुआती अग्रता भने आर्सनलले बनाएको थियो । आर्सनलका लागि पियरिक एम्रिक अबुमियाङले पहिलो हाफको इन्जुरी समयमा गोल गर्दै घरेलु टोलीलाई सुरुआती अग्रता दिलाएका थिए ।
खेलको ५५ औँ मिनेटमा दची कामडाले फ्रान्कफर्टका लागि बराबरी गोल फर्काए । खेलको ६४ औँ मिनेटमा उनैले कामडाले व्यक्तिगत दोस्रो गोल गर्दै फ्रान्कफर्टलाई २–१ को जित दिलाए । यो हारसँगै आर्सनललाई अघिल्लो चरण प्रवेश असहज बनेको छ । आर्सनल ५ खेलबाट १० अंक सहित तालिकाको शीर्ष स्थानमा छ । फ्रान्कफर्ट ९ अंक जोड्दै तालिकाको दोस्रो स्थानमा छ ।